स्याङ्जा,१८ वैशाख– जिल्लाका बिभिन्न स्थानीय तहले निषेधाज्ञाको घोषणा गरेकाछन् । वालिङ नगरपालिका, गल्याङ नगरपालिका र चापाकोट नगरपालिकाले कोरोना भाइरसको (कोभिड १९) प्रकोप बढ्दै गएकोले स्वास्थ्यलाई मध्यनजर राखेर नगरभित्रका सम्पूर्ण कार्याल निजी तथा गैह्रसरकारी संस्थाका साथै बैंक थता वित्तिय संस्थाहरु बन्द गरिएको जनाएका छन् ।
स्थानीय तहका प्रमुखहरु द्वार जारी गरिएको सूचनामा कोरोना भाइरसको दोस्रो भेरियन्टको संक्रमण नगरक्षेत्रमा तिब्र रुपमा फैलिन सक्ने भएकोले संक्रमणबाट बचन उच्च सतर्कता अपनाउन समेत आग्रह गरिएको छ ।

वालिङ नगरपालिकाका नगरप्रमुख दिलीप प्रताप खाँण द्वारा हस्ताक्षरित प्रेस विज्ञप्तीमा शनिबार राति १२ बजे देखि २५गते राति १२ बजे सम्मको लागि जनस्वास्थ्य विपद घोषणा गरिएको उल्लेख गरिएको छ । नगरभित्रका सम्पूर्णकार्यालय संघसस्थाका साथै विद्यालयहरु र होटलहरु बन्द रहने उल्लेख गरिएको छ ।

गल्याङ नगरपालिकाले आज एक सूचना प्रकासित गर्दै आइतबार देखि २५ गते सम्मको लागि नगर क्षेत्र भित्र निषेधाज्ञा जारी गरेको छ । नगरप्रमुख भुपराज अधिकारी द्वारा हास्ताक्षरित सूचनामा नगरभित्र कोरोना संक्रमण उच्च रुपमा फैलिन सक्ने भएकोले यसबाट बचनको लागि उच्च सावधानी अपनाउन समेत आग्रह गर्नुभएको छ ।
गनरपालिकाले गल्याङ नगरअस्पतालमा ५० शैयाको अक्सिजन सहितको आइसोलेसन बेड निर्माण कार्य भइरहेको समेत नगरपालिकाले जनाएको छ ।

यससै गरी शुक्रबार एक प्रेस विज्ञप्ती जारी गर्दै चापाकोट नगरपालिकाका प्रमुख शिव कुमार गिरीले अर्को सूचना नभए सम्मको लागि अत्यावश्क बाहेका सबै सेवा बन्द गरिएको जनाउनुभएको छ । नगरप्रमुख गिरी द्वारा हस्ताक्षरित प्रेस विज्ञप्तीमा नगरभित्र निषेधाज्ञा जारी गरिएको समेत उल्लेख गरिएको छ ।