गत वर्ष जेजसरी बिते पनि यो वर्ष सद्भाव र एकता कायम गर्दै एक महत्वपूर्ण वर्षको रुपमा कायम होस् । २०७७ साल कोरोना भाइरस (कोभिड १९ ) लाई संगै साथमा लिएर भित्रिएको थियो । नयाँ वर्षको पूर्व सन्ध्यामा महामारी उपहार लिएर भित्रिएको ०७७ सालमा देशवासीले खासै उत्साहा र उमंग बाड्न पाएनन् भने डर र तरासमै एक वर्ष विताउन विवश भएका हामीले फेरी ०७८ सालमा आइपुग्दा पनि विचमा केही मत्थर बनेको कोराना जुरमुराए संगै यसले फेरी डर र तरास थपिदिएको छ ।
परिस्थितीको सामना गर्नु बाहेक हामी संग अरु कुनै विकल्प पनि त छैन । यो महामारीबाट पार लाग्नु हामी सबैको कर्तव्य र दायित्व हो । हामीलाई मात्रै नभएर सारा विश्वनै तहसनहस बनाउदै लगेको कोरोनाबाट बचन सचेतना अपनाउनुको कुनै अर्को विकल्प छैन् । यस्तो गम्भिर अवस्थामा हामी सबैले आआफ्नो दायित्व पुरा गर्नबाट पछि हट्नुहुदैन । यो असल नारिकको कर्तव्य पनि हो ।
देशमा संकट आइपरेको बेला एकता कायम गर्नु एकले अर्कोलाई सक्दो सहयोग गर्नु पर्छ भन्ने उदाहरण त आम नेपालीले गत वर्षको कोरोना कहरमा प्रदर्शित गरिसकेकाछन् । फेरी पनि कोरोनाले आफ्नो गति बढाउदै लगेको अवस्थामा फेरी मन फुकाउने अवस्था आउदै छ ।
एक आपसमा सहयोग र सद्भाव बाड्नाले नै हामी सबैलाई शान्ति र सुख प्राप्ति हुन्छ । त्यसैले एक आपसमा सद्भाव र सहयोगी भावनाको विकास गरौ नयाँ वर्ष २०७८ सालको शुभकामना ।