स्याङ्जा,२३ फागुन–राष्ट्रिय दलित पत्रकार संघ नेपालको स्याङ्जा शाखा अध्यक्षमा नारायण विश्वकर्मा निर्वाचित हुनुभएको छ । शनिबार गल्याङमा भएको भेलाले विश्वकर्मालाई जिल्ला अध्यक्षमा निर्वाचित गरेको हो ।

शाखाको उपाध्यक्षमा पुर्णिमा परियार, सचिवमा प्रकास सुनार, सह–सचिवमा सिता परियार, कोषाध्यक्षमा सुदिप थापा (विश्वकर्मा) सदस्यमा मोहन सुनार, विनोद घतानी, प्रदिप विश्वकर्मा र विक्रम परियार निर्वाचित हुनु भएको छ ।
गल्याङमा भएको भेलालाई सम्बोधन गर्दै राष्ट्रिय दलित पत्रकार संघ नेपालका केन्द्रिय अध्यक्ष विनोद पहाडीले दलित समुदायबाट जन्मेका हजारौँ महान प्रतिभाहरु झुपडीमा हराईरहेको बताउनुभयो ।

दलित आन्दोलनमा योगदान पुराएका जुझारु नेताको र मुलुक परिवर्तनको क्रममा विरगती प्राप्त गरेकाहरुलाई राष्ट्रिय तथा अन्तराष्ट्रियककरण गर्नका लागि राष्ट्रिय दलित पत्रकार संघ नेपाल स्थापना भएका बताउनुभयो ।
कार्यक्रममा गल्याङ नगरपालिकाका प्रमुख भुपराज अधिकारीले दलित समुदायको क्षमता अभिबृद्धि र आर्थिक उपार्जनका विषयमा सहयोग गर्न तयार रहेको बताउनुभयो ।
कार्यक्रममा बरिष्ठ पत्रकार तथा राष्ट्रिय समाचार समितिका पूर्व अध्यक्ष डा.बालकृष्ण चापागाई, राष्ट्रिय दलित पत्रकार संघ नेपालका केन्द्रिय उपाध्यक्ष गोपाल बराईली, नेपाल पत्रकार महासंघ स्याङ्जाका अध्यक्ष ओमप्रकास शर्मा लगाएतले बोल्नुभएको थियो ।