गल्याङ,५ फागुन–गल्याङ नगरपालिकामा कोरोना भाइरस (कोभिड १९) विरुद्धको दोस्रो चरणको खोप लगाउन सुरु गरिएको छ । नेपाल सरकारको प्रथमिकताका आधारमा खोप लगाउने नीति अनुसार गल्याङमा मंगलबारदेखि दोस्रो चरणको कोभिड १९ विरुद्वको खोप लगाउन सुरु गरिएको हो । गल्याङ नगर अस्पतालमा जनप्रतिनिधि, कर्मचारी र पत्रकारलाई कोरोना विरुद्वको खोप लगाउने कार्यक्रमको सुरु भएको हो ।
संघीय सरकारको दोस्रो चरणको खोप लगाउने अभियान अन्तर्गत मंगलबार र बुधबार गल्याङ नगरपालिका र कालीगण्डकी गाउँपालिकाका जनप्रतिनिधि, कर्मचारी, तथा पत्रकारहरुलाई खोप लगाउने अभियान सञ्चालन भैरहेको छ ।

नगर प्रमुख अधिकारीले खोप लगाएर कार्यक्रमको शुभारम्भ गर्नुभएको हो ।
खोप शुभारम्भकार्यक्रममा नगरप्रमुख अधिकारीले सबै नगरवासीको पहुँचमा खोपको मात्रा पुरा गर्न आफुले पहल गर्ने प्रतिबद्वता जनाउनुभयो ।
उहाँले कोरोना भाइरस कोभिड १९ को संक्रमणबाट जोगिनका लागि यो खोप अभियान प्रभावकारी हुने विश्वास व्यक्त गर्नुभयो ।
पहिलो चरणको खोप अभियान अन्तर्गत यसअघि स्वास्थ्यकर्मीलाई कोरोना विरुद्वको खोप लगाइएको थियो ।